6 Decembri 2008- Palo Petra Pau, Germanijake Parlamenteske membroske koja avela kotar e radikalno-solaki partija, Die Linke, Andrune Buqengo Komiteti kotar o Germaniyako Bundestagi ano kurko kaj nakla na lela shukar mocijako lil kova isine qivdo kotar laki partija ani Mayi akale bersheste, kote ano akaya mociya akharde ko memorandum pali deportaciya ani Kosova. Ki akaya iniciyativa-mociya akhardilo panda ji ko Germaniyako Ministerijumi palo andrune bukya te arakhipe drumo vash palo deyipe humanitarno protekciyake-siguripaske Kosovake minoritetenge thay yavere grupenge kola ano zor.

“Birespondimo-bijevapesko ka ovel te kereple e deportaciya e Romenge ani Kosova” Petra Pau pengya ano piro intervju ano zurnali Neues Deutchland, kote olake na alo shukar bideyipa suporto kotar e konzervativno thay liberalno partiya. Ano Mayi 2008 lako kolega, Ulla Jelpke, jek kotar o manusha kola hraminde e mociyako lil, pengya anglo Bundestag, kay e Germaniyaki deciziya ka ovela kuvipe ano deciziye ko yavera rashtre. Oy panda dengya zor ki godi  kay zorea dendi repatriyaciya ka qivel e deportirime manushen ano vasta e manushenge kola kerena phiravipe e manushengo thay ka keren nevi bilaqi situaciya.

Romano Them