E komuna dela 5 ari phuv ano Serbobrani vash o irande familie

26 Novembro 2008 – O interno nashle Roma thay Ashkaliye kola akana thay nesave bersha angleder jivinena ano Monte Negro, marte diveste sinelen yekh beshipe o ofisiyalune jenencar kotar e Istogeski komuna vash penjaripe e shaipyencar vash olengo iranipe.

Pe khedipe direktimo kotar sheruno e grupako vash iranipe Bedri Hasani rodingyola kay te iranenpe ano pere biyame thana. Ani yaver rig sar si pe komunalune jene ano odola thana na si shaipe te irangyolpe vash na shukarne kondiciye khripe e kherengo vay sar alternativa ola pasharna sakola familake po 5 ari than ano Srbobran kote si shukar infrastruktura.

Kharipea kotar o sheruno grupako vash iranipe Hasani vash te len pe konsideipe e oferta vash iranipe te na ovel basana-dur, nesave e jenendar pe kedipe ripalekerna o mangipe kay olenge khere te vazdingyon ano Rydesh kote ini biyandile vay ini rodinde te kergyon o jivdipeske kondiciye pandar bi irandile. Ola rodinde abulanca, siguripe ano trasporti e siklovnengo e kherestar ji ani shkola-kher, bukyake thana thay yavera, kote akale mangipenge o komunalune jene na dakordingyona. ” Ola ko mangna te iranenpe shay te qhiven o hrami pe lil vash lekanipe ola ko na magna ne iranenpe pale. Amen pashargyam shukar kondicie sakola familiake po 5 ari than ano Srbobrani kote si shukar infrastruktura,” sine o agorutne lafya kotar o komunake ofisiyalune jene .  

Ani baza e proyektesko khardo “Iranipe thay Intergripe” kotar o UNDP thay ministria vash iranipe thay komuniteti vash o trin bersha si planifikimo te kergyon-vazdingyon 40 khera vash interno nashle manusha ani Istogeski komuna.

Nexhip Meneshke