11 Novembari 2008 – “Koaliciyake partnerya ano Kosovako harpi kerde but hari palo nashle manushengi kriza, thaj mangelape te mothaven pi zor thaj te keren pobuter but hilade Kosovake Romenge, kote lengi situaciya aqola biagorisimi,” o Romano Them phenela kote parafrizinela-lela e kampanyako vakeripa ando US eletirimo Prezidentesko Barack Obama, kote ano akava vakeripa dengya piro politikuni uzbuna upari Daniya.

Vakripa kova arakhipe ani Obamaski kampanyaki web rig, majbut referinela ani ogligaciya-leyipa jevapi e harpeske-marebaske partnerengo kola lele kotor ano Irakesko harpi, kote Obama kritikirinela o lejyipa e jevapesko andi nashle manushengi kriza koya isine kerdili marebaske intervencijya. Panglo akaleya Obama, te isine eletkirimo, shay te kerel akharipe ko koaliciyake partnerya te baryaren piri nashle manushengi kvota-numero. Ano akava vakeripa e Daniya lepardi kuzalo yaver puvya sar soy Bari Britaniya, Italiya thay Shpaniya. Obama na mukla ten a del kritika thay pere-US puvyake.

Romano Them shukar lela e Barak Obamaski idea kay o phuvya kola kerde harpi te len moralikuni jevapi palo nashle manusha, thaj Romano them dikela akava sar yek drumo puqibaske pobare suporteske-azutiripaske Romane nashle manushenge kotar Kosova. Organizaciya qivela ano godi kay maybut 100.000 Roma isine paldime kotar e Kosova palo Amerikaki harpeski-marebaski operaciya, kote e Daniya mashkar yavera Evropake puvya lela kotor-participaciya.

Ani Daniya pali bari thay zorali kherutni kritika, kote phenelape kay e Daniya nashti kergya prevenciya-siguripa o minoritetya te na muken e Kosova, akya phuv na kergya but te del beshipa-akomodaciya e nashle manushenge. Kotar o 2001 bersh, niyek Kosovake Romeske, kote ano akava kuvena da manusha e Marteske 2004 bilaqipaske, na dendilo azili ani Daniya.

Kotar 25 familiye avdive isilen temporalno-vramaya dendo siguripa-protekciya, 3 familiye thay 3 biprandime manusha arakhenape tali deportaciyako drumo thay 2 drom ko kurko mangelape te mothavenpe ki policiya.

Romano Them puqla pali regularizaciya akale manushenge. Akava puqipa pali regularizaciya but hilade Romengo nashle manushengo kotar e Kosova isine qivdo kotar o Romano Them ani Germaniya thay yavera EU phuvya. Organizaciya Romano Them akharela e Amerikaki administraciya te pravenpe o kvote pali iklovipa ano trito phuvya e Kosovake Romengi kola arakhenape ano Severno Istocna Evropa, kola nashti isine integrishime lokalno, thaj kola arakhenape ano phare jivdipaske kondiciye. Sar yek urgentno ekzamplo shay te leparelpe nashle mansuha ani Kosovaki Mitrovica, kola isine aqarde te beshen ko zehersko-phaneya dendo than-Trepqake mine, pe qavencar ano kolengo rat arakhelape zeheri but pobuter sar o norme mangena.

Romano Them