12 Oktobari 2008 – Panglo akharipeya kotar o ofisi e Kosovake Prime Ministereya, Romano Them qivgya komentarya e draft strategiyake pali integraciya e Romengi, Ashakliyengi thay Egipqanengi ani Kosova. Romano Themeske komentarya harnikane qivde ano lil ji ko Prime Ministersko Ofisi:

Pakiyavela Rayo Hayredini,

Amen isiyam qalarde te biqala amare komentarya pangle Draft Strategiya pali Inetgraciya e Romengi Ashkaliyengi thay Egipqanengi (RAE) ani Kosova. Amare komentarya nane buvle, kobor  pobuvli analiza  e teksteske isila rodipe.

Amen na avelamen shukar kay diaspora na isine qivdi ani konsultaciyako thay keribasko-dratftiribasko procesi.

Romano Themseke bukyake punktya isiton te kerele promociya manushikane hakaya e Romengi andi Kosova, thay Kosovo Romengi ani diaspora. Amen isiyamen pakyavipa kay e draft strategiya isila mangipa yeke maymatno reviziyake kote ka kerelpe kontribuciya yeke perde inkluziyake-qivdipaske e Romengo ano Kosovako amalipa.

Ano amari buti, amen araklam kay e adaptaciya e kanunengi  pandena thay qivena e  Romen ano statusi duyto (2) klasake manushenge. Amamro na shukar genipa isi panglo kanuneya palo lokaluino governipe kova ando peste na qivela minimalno garanciye e reprezentaciya e Romengi ano lokaluino niveli.

Amen pakya kay Roma mangelape isine te lepargyon ano Kosovaki Konstituciya sar yek konstitutivno manusha thay e Romana qibyake mangelape isine te delpe statusi sar soy dendilo e Srbiyune thay Albaniukine qibyake.

Odoleske amen pakya kay ano yekto bajako-faza mangelape harne thay seriozyno te kerelpe analiza avdisutne legalno procedurake kote ka sigurinelpe o Roma te oven ekvalno-yekutne manusha. Amen maydur isiyamen pakyavipe kay bilosavi akciya e vazdipaski ano konteksti Romana strategiyake, mangelape te kerelpe relevatno sektoralno politika.

Amen araklam  disave qibayko biyekhipe. Amen pakya, sar soy lafi “afirmativno akciya” mangelape te definishelpe, thay akava te ovel aplikatvno-qivdo ano sa o teksti.

Amen generalno pakya kay yavera kotora e tekstesko mangelape poshukar te kergyon, ji ko yek poshukar. Panglo akaleya ka ovel shukar te kerelpe dokumenteski shuzi hramipaski telal qivdi filozofiya.

Amen araklam na shukar gendipa, telal qivdo mesazi kay e situaciya e Romengi ani Kosova isine ani sa e vrama phari, sar  sakote kote o Roma arakhanape, thay  kay isine diskrimirinime. Akava kerela irinipa (garavipa) kotar na shukar-bango impulsi e maribasko thay etnikune suzaribasko ano Kosovake Roma.

Ano ruho e toleranciako thay interetnikake rekonciliyako, amen pakya kay Kosovake autoriteya mangelape te penjaren bilaqipa thay bikanunipe kerdilo e Romane komuniteteske. Akava penjaripa isi maymahatno, kote ka kerelpe pakyavipe mashakr Kosovake Romego komuniteti, thay te qivelpe baza multi-etnikune amalipaske.

Amen isiyamen shukar gendipa kay amare sugestiye thay kometarya ka oven bibangipasko thay perdo lelile, thay kay strategiya ka ovel poshukar kerdi, motorizimi, thay perdi yeke bujeteya pali laki implementaciya.

Amen ka kera nays tumenge te isi shaipe e informiripaske, keda e sektoralno akciyako plani ka ovel draftirimo.

Sa mayshukar,

Romano Them