11 Oktobari 2008 – Pere reakciya pali nominaciya e Finske diplomateske Martti Ahtisari vash e Nobeleske danyavad palo bimaripa, organizaciya Romano Them phenela kay Kosovake Roma nanelen sebebi te oven kotar o manusha kola festinena akava. “Rayo Ahtisareske deyipa zor te irinelpe bimaperipa ano yavera kotora e lumyake isine bikometareske, thay ano ekzamplo e Kosovake Romengo ov kergyale na shukar,” organizaciya phenela.

Nakhindoj nalpalal ano maribaski vrama e internacionalikune bimarebasko kontrakti kova qivgya fundo e marebaske kontra e purane Yugoslaviyake, Romano Them qivela ani godi hari palo akava kay 100.000 Roma isine paldime kotar e Kosova kote lenge khera isine astarde thay rumime-tharde. Palo sov (6) bersh, rayo Ahtisari lela sheruni poziciya e negociatesko timesko ando statusesko vakeripa e Kosovako, vakeripa kova ka anela isine kontrakto palo statusi e provinciyako ov kotar o poshmipa angya deciziya te limitirinel piri buti ano duy (2) pobare komunitetya, biqivipa sa yavera komunitetya.
 
“E rayo Antisareske thay yaverenge kotar o mashkarthemutno komuniteti, amen, Kosovake Roma, ani praktika na ekzistiringyam,” phenela yek reprezenti e Romane Themeske. “Isi shaipe kay ov amen dikla sar qorole thay na shukar manusha, manusha yeke tikne civiliukune niveleya, thay amen na jivdinyam ano satorya thay karavanya,” o reprezentya pobuvle motavela kay Roma isine integralno kotor e Kosovake amalipasko: “Amen respektungyam kanunya thay sistemi ano than kote araklamamen.”

Palo Romano Themesko gendipa, biqivipa e Romengo ano negociyatesko statutesko vakeripa ano avipe angya ji ko konsekvence pali poziciya e Kosovake Romenge. Konstituciya koya isine andi-adoptirimi ano Februar 2008 maybut bazirinelape ano Ahtisaresko rekomondaciye, kola isine qivde ano reporti e internacionalikune negociyatesko timesko. “Fakteya kay leski ambiciya ano akala statutesko vakeriba isine te qaralel kontradiktorno dikipa mashkar Kosovake Srbyengo thay Kosovake Albanikuengo, angya ji ko bisteripa yavere grupenge interesya, maybut e Romengo, kola na isinelen nisavo rastrako phikodeyipa,” yaver reprezenti Romano Themesko phenela.

Sar konsekvenca, Kosovake Roma avdive ani situaciya, kote lengi duyto klasaki poziciya aktuelno sankcionirimi-qinavdi kanuneya. Romano Them dela citati akale divengo protesti reprezentengo e Romane civiliumune organizicunego ano Prizren panglo puqipa e komunake statuseke drafteya, kote phenelape kay nane than ano akava drafti vash palo Romane inteersya. “Garanciye vash palo politikuni reprezentaciya e Romengi ano komunalno niveli, thay butikeripe Romane qibya, isitoy qivdi ano nevo Lokaluino kanunu thay Kosovaki konstituciya,” Romano Them phenela.

Akharelape odoleske ciniukuno-na skukar lelo e intenacionalikune komuniteteski preparaciya te biqalelpe nalpalal e Kosovake Romen, kote o Roma isine ulavde kotar o garanciye pere substenciyake-respektuyipeske.

Romano Them