Prizren, 20.09.2008 – Centro vash Integripe e minoritarune komunitetyengo ano Prizren organizingya debata phanglo keripaya e draft dokumentesko e neve Prizrenoska komunako Statutesko. Pe debata lena kotor truyal 60 manusha, mashkaro kola sine o yaveruno e ministresko vash lokaluno phiravipe Dr. Raif Elezi, deputetka kotar o boshnyakyuno komunieti, e rayna Shpresa Murati, sherundo e Prizrenoska komunako kheresko, Niyazi Krueziu, oleske yaverune o Qemayl Kurteshi, Erjan Shpat, e komunako potparoli Ymer Berisha, o komunake reprezentya kotar o minoritaruno komuniteti, sar ini reprezentya kotar o civilyuno sektori thay i individu-intelektualya e romane, turkyune thay boshnyakyune komunitetske kola jivdinena ano Prizren. Pe debata may buder diklardile o qhandya e Statuteske kla silen buti e puqipea e minoritarune komunitetyengo.

Ayekha kay palo dikhlaripe e 7 Statuteske paragrafeske kova vakerla vash o amblemi e komunako thay olake simbolyengo , triunfinla o ketenyuno godinipe kay te biqalgyola yekh rekomandipe e komunaka Komisiako vash keripe e Statutesko, kay truyal o amblemi te hramingyol o teksti pe trin qhibya, albanyuni, boshnyakyuni thay tyrkyuni sar si; Komuna-Opqina-Belediya, a na sar dendili nota kay ano amblemi te ovel o kher e prizrenoska ligako e teksteya 1878-Prizren.

Dendile ini rekmandipya vash o qand 8 e neve statusesko kote vakergyola vash o hramimo teksti pe komunko – shatmbili ano odova kotor kote hraminla srbyune -boshnyakyune, te cidelpe thay ano orginali te ove pe albanyuni, srbyuni, boshakyni thay turkyuni. Kana sine lafi vash o qhibya e etnikune grupyengo dengyola sugestiye kay yekh e paragrafyengo akele qhandesko thay ano varesavo yaver qhandi te lepargyol ini e Romani qhib, feri so ano niyekh e Statuteske 110.paragrafeya na lepargyola o romano komuniteti kova sile baro gendo e populaciako e prizrenoska komunako.

Paragrafi 15. Statuseske regulinla phanglipe e Lekanipesko e ledeipesko e prizrenoska komunako e yaver komunencar. Dengyola rekomandipe kay ano yekh e paragrafestar te qhivgyo shaipe kay o minoritarune komunitetya te ovelolen zoralipe kay te phanen lekanipe vash ledeipe e yavere komunencar, normaliteteya ano phanglipe e Komunake Statuteya.

Vash o sebepi kay o puqipe e minoritarune reprezentyengo alosardilo ano shukar suro ini e neve Statuteya, numay e romane komunitetestar, ano yekh qanad e Statutesko manglilo te thovgyol yekh mehanizmo kova manglape kay day yekh minoritaruno komuniteti te ovele reprezentimo ano ddcvesivune organya , godingyola ano strukture e Komunake sompbeshutnipeske, te sine kay ano lokalune alsaripya na lela pere reprezente-deputeti.

Sine pe agor ini lafya vas hi Kancelariya e Lokalune komunitetyenge koya sine istalirimi ano suro e UNIMK-oska Regulako 2000/45 koya ini adive figurinla , vay ano nevo statuti oy na lepargyola , feri so na lepargyola ini ano Krisi vash lokaluni regula , kova na meklola, numay na mekla formiripe akala kancelariako ano komune kote jivdinena yekh konsideruno gendo e minoritarune komunietyengo.

Sa o jene kola lele kotor pe debata vash aqhipe e kancelariako vash lokaluno guvernipe dakordisale kay mangalep te forsirangyol o rekomandipya, sugestiye pe komunake organya resipa kay odoya kancelaria te funkcioninel feri so oy si e but ulavde mahatnipestar vash adresipe thay alosaripe e problemyengo e minoritarune komunitetyengo. Kotar o Romano komuniteti denfgyola rekonadipe kay manglapte init e bayrol e gendo e bukyarnengo ano akava ofiso vash o sebepi kay akaya si numay yekh kancelariya koya reprezentinla e Romen ani akaya komuna.

E publikuni debata agorisali konstataciya kay sa o rekomandipya thay o sugestiye vash o nevo statuti e Prizrenoska komunako, te dengyol thay te biqalgyon e savore relevantune instituciyenge.

Nexhip Menekshe