11 Juli 2008 – Ano lil ji ko Rumuniyako Minsteri palo avrune puqipa, rayo Lazăr Comănescu, thay ji ko Srbiyako Ministeri palo Sociylikune puqipa, rayo Rasim Layic,  Romano Them zorale dende kritika palo planirimo transferi e eksperinciyako mashkar duj thema panglo puqipa e reintegraciyako zorea irinde Romenge.

Romano Them qivela ani godi-leparela kay hakay te muke tiri phuv panglo UN deklaraciya palo Manushikane Hakaya, koya dela garanciya pricipenge sar soy kay sa o manusha jek. Pali akaya organizaciya (UN), zorea dendi repatriaciya-irinipa e Romenge, pangyola ekzamploa e blokiribaske politika koya sine vazdimi ani Evropa panda kotar o 15 veko, thay koya isinela kulminaciya-astargya majbaro punkto, e Romenge genocidea talo National-Socializam.

Panglo e konkluziya e readmisiyake kontrakteya mashkar Srbiya thay EU kova nakla paralelno e negociyencar-vakeripa palo vizake muklipa  manushenge kola avena kotar e Srbiya, Romano Them  ano po dikhipe phenla  kay biakciptirimo e Srbiya kay ano momenti kerela prezidenciya e Romane Dekadake, angya deciziya te kerel bikinipa e manushenge muklo phiribasko kola avena kotar e Srbiya, e zorea dende irinibasko e Romane minoriteteske.

Romano Them  ano poro lil hramonela, kay e Rumuniyake sine poshukar kay o love kotar o 180,000 Evro te oven qivde thay dende asistenciyake programenge kote ka keren poshukar jivdipa pe Romenge, kota qivelape ani godi kay e Ruminiyake Roma panda mukena e phuv, rodipa jeke poshukar avutipakse-jivdipaske. Akhardo isi pobuvle Germaniya, pere bangipaske-mukle nakle vrama, panda ovela jek kotar o jekto puvya kola deportirinela e Romen.

Romano Them kolkludirinela-dela fundo ano po lil, puqipa jeke pobare angaziripa te laqaren situaciya e Romenge ano puvya, kote jivdinena, te sigurinelpe, kay muklo phiripa e manushengo te ovel lengo mukli deciziya thay te na ovel zoripa kova sine dendo vekonca.

Romano Them (www.kosovoroma.wordpress.com) isi jek biumlavdi internet platforma koya kerela advokaciya palo manushikane hakaya Kosovake Romenge, thay kontra zorea dendo irinipaske.

Pobuvle informaciye shay te keren kontakt:

e-mail: kosovoroma@gmail.com

Dik panda:

România/Ministerul Afacerilor Externe: România împartaseste expertiza în integrarea etnicilor romi, 03.07.2008

Divers: Romania offers expertise for the integration of the ethnic Roma from Serbia, July 2008

EHO: Violations of rights of Roma returned to Serbia under Readmission agreements, April 2007