Juli 2008 – O Norvejiako Helsinki Komiteti hramingya lil e Kosovake edukaciake Ministreske, Enver Hojaj, rodindoy olestar kay so maysigate te sigurinel manglardo skoluipe vash o Romane, Ashkaliyune thay Egipqanyune qhave ano drom kova na sito diskriminimo. E skola ano Plementinako kampi e Obiliqeske komunako sito sasavipea problematikuni, phanglo akale puqhipea. O manushikano hako vash edukipe sito univerzaluno leyutno principi kova nashti te aqhavel pe niyekhe qhavorestar. Akava hako na rodela numay kay o autoritetia te sigurinen skole thay teorikuno jaipe ano lende, numay ini kay o jaipe thay o minimalune kvaliteteske standardia siton savahtune sigurime.

O biqaldo lil resla ini ko mayuqhe Kosovake thay mashkarthemutne autoritetia, kote mashkar o yaver o Norvejiako Helsinki Komiteti rodela kay “te lenpe so maysigutne bajakia vash te kerel pe shayuni e Plementinake gaveski skola, ano odoya komuna te siklarel sah odolen RAE qhaven kotar o avutno skolako bersh”. Ayekha vakergyola kay siton penjarde kay pe nakle bersheste o Komunaluno Kher Obiliq mangla te pandel akaya skola. Numay, o dendo decisipesko sugestipe vash te transportinel e qhaven ano Obiliq dikhlardilo sar bishayuni opcia, astarindoy o siguripe thay potenciali vash integripe. Numay, kotar akava nakle buderi dive sar o status que decisisaylo.

Vash sah akava o Norvejiako Helsinki Komiteti bazirinelape ano Evropaki Konvencia vash Manushikane Hakia vay leparela o misal e Grekiake romengo kola vijaingye o ovipe truyal e Grekia, undrindoy ola vash segregacia vash qhivipe e romane qhaven ano yekh klasa. Ayekha kay e Evropaki Kriselin vash manushikane hakia angya paqhi zoralipesko krisipe kay o segregripe e RAE qhavorengo ano inferiune skole thay klase sito manushikane hakyengo phagipe thay kay o Evropake raipna musay te len godornipe vash te agorinen asavke kondiciencar.

Izvor: NHC/Roma Info