14 April 2008 – Kosovaki konstitucija koja isine adoptirimi kotar e Kosovako Parlamenti ano kurko kay nakla, na lela ando peste o gendipa kova isine dendo kotar e koaliciya e Romane Birayikane Organizaciyengo, Romano Them phenela. Palo gendipa akale indipendentno interneteski paltforma, Romano Them, akava na shukar gendipa majbut panglo e gendoa pali politikuini participaciya thay chivdipe ko publikuno bukyaripe, thay majdur chibayake hakaya.

Ano planirime zorea dende repatriyaciye e Kosovake Romenge, Romano Them majbut na isile shukar gendipa palo artiklo, kova dela regulaciya e rashtraipaske-drzavljanstvo, kova achilo bipromimo. Gojaya dendi data palo legalno beshipaske ki Kosova – 1 Januari 1998 bersh, sar kondicya kay shay te aplicirinelpe Kosovake rashtraipaske, dela zor thay penaliziruynela sa odole Romen kola mukle e Kosova ano 1980 thay 1990 bersh. Lenge zorea dende irinipa, but kolay shay te oven birashtrako manusha ano piri phuv, Romano Them phenela.

Romano Them akharela e manushen kola reprezentuynena Mashkarthemutne Organizaciye, maybut e Evropako Konzili thay OSCE, ano vrama koya achili anglo Konstituciyako pherdo zoralipe kova dendo sar 15 Juni, te kerel majdur  advokaciya palo promipa, jeke gendoa kay te ovel suguripe kay o Roma isilen garanciya palo pere hakaya.

Romano Them