6 aprilie 2008 – Oftoto Aprilo Maškarselikeno Dive e Rromengo piiri šerutni festa ka therol ani Pritśtina thaj Prizreno. Manifestacie ka oven širdime śtar dive. (06-09. 04. 008. ) Kosovaqo Raipen organizuinela truălimi mez, kote adzukargŏla kotor te len o Kosovaqo Premijero, o Ministro vaś Siklŏvipen, Skencia thaj Tehnologia, rromengo prezentatori. O rromane BRO kotar o Prizreno ka prezentuinen vaš purane rroman gila, poezie, drama…

Pritśtina Hraminela: Kujtim Paćaku Oftoto Aprilo, Maśkarselikano Rromengo Dive, ani Kosova adikargŏla an o ver-ver ćhandă. Śerutni rromengi manifestacia akava berś o adikargola ano Prizreno thaj Priśtina. O BRO kotar o Prizreno, odola „Rromani Baxt” „Durmiś Aslano” „Folea” „Kraf”, tal o śerutno organizivipe kotar Kosovaqo Raipen, organizuinena 8. Aprilesqo adikaripen. Savaxt o donatoră ko akala feste dende phiko e BRO-qe. Akaja ver Amerikaqo ofiso kotar i Priśtina thaj KFOR- kotar i Przreno phiravena akala evenimentă.

I festa isi ka śirdol ki data 06.04.2008 koja ka lungărgŏl 3i po 09.04.2008. O dzene kola phiravena akaja manifestacia anglo medije prezentuisale akale programeça. Ki data 06.04.2008 Turniri ano tikno fudbali kova isi organizuimo kotar i BRO “Rromani Baxt ” Ano akava turniri kotor lena 8 rromane ekipe a maśkar lende vi Kosovaqi Policiaqi Seval, Kfor-Turkia, Kfor- Germania, (askeriaqe brigade ano Pruizreno) vi TMK vaj Caritas. Isi liparipnasqe so o turniri ano tikno fudbali financiringă o Turkěnqo „KFOR” beślinăça ano Prizreno.

Ki data 07.04.2008, o dzene kotar BRO „Durmiś Aslano” ka mothaven i drama „Ano Drumo”kotar o autori Hilmi Jaśari a redzia Nedhip Menekśe. Central manifestacia ka adiakrgŏl ani Pritśtina ki data 08.04.2008. Kosovqo Reipe organizuinela truălimi mez, kote adzukargŏla kotor te len o Kosovaqo Premijero, o Ministro vaś Siklŏvipen, Skencia thaj Tehnologia, rromengo prezentatori. Pal odova o dzene BRO „Rromani Baxt” – Okteto „Mystic Ilo” ka gilaven purane rromane gila tal o diriguipen thaj poeziengo recituipen, Kujtim Paćaku. Pal o akava evenimento pal o mismeri isi te reprizuingol i rromani drama.

Ki data 09.2007 ano Priśtina BRO „Folea” organizuinela trujalimi mez vaś dzuvlane hakaja. Ki vipalutni data, akana ano Prizreno, Okteto „Mystic Ilo” o purane rromane gila thaj rromani pozia ka prezentuinen akaja ver ano Prizreno. I EOSS (OSBE), isi „kherutni” vaś o „Rroma Mystic” kote ka khargŏn o dizutne kotar o Prizreno te śunen purane rromane gila thaj rromani poezia.

Izvor: Nevipe Kosov@