Prizren, 28.03.2008 – Adisune diveste, ano ofisya Centroske vash Integripe e Minoritarune Komunitetyengo ano Prizren adikerdilo khedipe se NRO-reprezentyencar vash i nevi UNIMK-oski Regulativa 2007/30 kolaha kergyola buti ano yaveripe thay pheripe e Komunake statusesko, vay koya ji kana sine kerdi ani baza e UNIMK-oki Regula 2000/45.

Reprezentya e naraipne organizaciengo pe starti e sastankosko sikavde but mahate rekomandipya kolea mangna kay te dengyol yakh mangipe e komunaluna statuseska Komisiako kay kana agorinla o draft e yaveripesko e Statusesko kay ani publikuni debata te sikaven o drafti pandar na nakhla ani publikuni debata thay leipe pe konsideripe ani komunaluno guvernipe. Pe beshipe sine rekomandipya kay may buderi te diskutingyol vash o puqipe kolen silen e minoritetyenge hakoa, ulavipea o lafi vash vastipe e qhibyako, palo odova ini o zoralipe thay obligipe e talosherunesko kova reprezentinla o minoritarune komunitetya a ani yaver rig tiknargyona olenge hakya vash o decisiyesar ini kay ano statusi te khergyol nesavo mehenizmi kolea sine regulingyola reprezentipe thay anavipe kotar o rendo e minoritarune komunitetyengo kola na silen pere ulavde delegatya ani Komunaluni asamblea.

Sikavdilo ini baro khefi kay pe akala puqipya yekhtra may buderi te diskutingyol thay rodlardilo te adikergyon may bare gendya ayekha formake khedipya.

Advertisements