26 Februari 2008 – Ano dokumenti publicirimo-ikaldo avdive, Romano Them delamen angleder ki godi palo bilachipa e planekso kotar e zorea dendo irinipa e Romengo thay yavere akharde ko anav nasigurime grupe e manushengo palo Kosovako biumlavipe. Romano Them ko akava pandelape ko 2 dokumentya kola isine ande kotar e Kosovaki gavermenta ko Oktombri 2007 bersheste Readmisijako Dokumenti thaj Strategiya pali Reintegracija e Manushenge kola irinenape, dokumentya kola anena baza pali readmisiya-irinipa pobare grupake manushengo kola zorea irinenape palo UNMIK-sko muklipa e Kosovako.Soduj dokumetya a majbut e Reintegracijaki Strategiya chivela punkto ki reintegraciya e nasigurime grupe e manushengo, kola ji akana isinelen beneficiya kotar e relativno siguripa ando zorea dendi repatriyaciya-irinipa, bazirimo ki UNHCR poziciya palo phiravni Internacionalno suguripa e manushengo kotar Kosova.

Pobuter reference dena ano jandipa kay Roma, Ashkaliye thay Kosovake Egipchanya ka oven jekto manusha kolen ka astarel zorea irinipa, Romano Them penela. Soduj dokumentya chivena ki godi kay UNHCR-ski poziciya, na ka lelpe ani administrativno praktika. Panglo akaleya Romano Them akharelape ko vakeripa ano Decembro 2007 bersheste kova isine dendo kotar o Germansko Federalno Ministri palo Andrune Bukya kote ov motavela kay ano avutnipe geografsko pandlipe e personako kotar Kosova na ka lelpe ano dikhipe kana mangelape e persona te irinelpe zorea.

Romano Them mothavela kay majmahatno daravipe Romengoro te irinenpe ki Kosova isi bizosiguripe e situciyako, thaj lengoro bipakyavipe ano kosovake instituciye. Panglo oficijalno reporteya, Romano Them chivela ko jandipa biachavdi diskriminaciya e Romengi ani Kosova, kote ando peste chivela rekonstruciyako procesi.

Zorea irinipa e Romegoro ani situaciya sar soy, vazdela jek pobaro numero e Manushikane Hakajengoro, kola pande na samo e e nasle manushengi siguripa-protekciya, so majdur panglo e garantirime poliitikune, ekonomiyakr thay sociulikune hakaya, phenela o Romano Them. Romano Themeske akala ande ji ki indirektno jandipa kotar e Mashkarthemutne Puvya palo lengiri na shukar buti vash pali kreaciya e kondicijengo e sigurimo irinipa e Romengoro thay yavere minoritatengo kova chivdo sar mandati ani rezoluciya 1244 (1999).

Romano Them