Prizren, 17. 12.2007. Adive ano centro vash integripe e minoritaruno komunitetyengo adikerdilo khedipe, centralune resipea vash theripe yekhe neve funkcionalune bordesko. Mashkaro sa adisuni agenda e khedipeski sine ini reprezentipe e duye bershuna bukyako sikavipea koba o trin komunitetya kerde buti kay may shukar te reprezentingyon olenge problemya ano lokalune thay centralune instituciye ano yaver yaver komponente. Ani yaver rig ini kobar si ji akana ashutirime e procesesko vash theripe shukar kondiciye o etnikune komunitetya kay so may sige thay may loke te integringyon ano Kosovako malipe. 

Hronolojikuno prezentipe e centroska bukyako kergya o koordinatori kotar o romano komuniteti o r. Nejip Meneskhe, kova sikavgya o aktiviteya e Romane komuniteteske, boshnyakyune vay turkyune sa ini o ketanyune aktivitetya kola kerde tali akaya organizacia kolendar buderi e proyektyendar kola sine financirime kotar e SOROS fondaciya. 

Phanglo akalea pe kedipe lela kotor yekh e SOROS-esko kordinatori e r. Vera Pula, koya sikavgya qhalaripe ji akanutno buti e centrosko thay sar may funkcionaluno centro ani Kosova, vakeripeya kay palo duy bersh si o vakti kay manglape te ovelmen yekh may funkcionaluno bordi resipea kay te resa may bare bajakya.  

O duyto, thavd e agendako sine ini formiripe e  bordesko  e NRO. ICEC, kotar sakova komuniteti so in ulo kay sakole komunitetyandar ulavdile po duy intelektualcya,  yekh korkoro e Fondaciyatar thay duy kotar o majoratyuno odova albanyuno komuniteti.  

Kotar o romano komuniteti ulavdilo o Osman Osmani kotar e NRO’ Iniciativa 6 vay kotar e NRO D. Aslano o Arton Cana, ani yaver rig kotar o boshnyakya e r. Emiliya Rejepi kotar e NRO “ Ekualiti”, thay o prof. Emrush Azizoviq kotar e NRO ‘Edukator’. O turkya ano bordi ulavde e Ferhat Dervish sheruno e KAA’ Filizler, vay o Alev Nush. Kotar e NRO ‘ATTA’ ulavdilo o Bari Zeneli thay o shurnalisti Fisnik Minci.  

Pe agor e kedipesko pale, aqile o jiakanutne koordiunatorya o r. Nejip menekshe. Refik Kasi thay Enis Drvar, kolenge pe avipe vash may shukarno funkcionipe e Centrosko ashutriripe ka den o ulavde jene ano laperno bordi. Akale adisune diveste phangyola ini o duy bershuno raporti e bukyako e centrosko vay ini o strati akana may pherde stafea kola pe avipe ka len serioziteteya e buti, resipe te buhlaren pere aktivitetya thay phaglipe e yavere centroncar ano than thay ano regioni.  

Stafi “Romano Avazo “